Mohsin Naqvi Poetry


Ye Taluq Bhi Bohat Khoob Rha Hai Kuch Din
Tu Mery Name Say Mansoob Rha Hai Kuch Din



kuch hadison se gir gaye mohsin zameen par
ham rashk e asman the abhi kal ki baat hai


chehre ajnabi ho jayen to koi baat nai mohsin
lehje ajnabi hon to bari takleef dete hain..


aye zindagi tu hi bata kese tujh se pyar karun main
teri har saans meri umar ghata deti hai.


jo bhulaye na ja rahe the kabhi
ab wohi yaad bhi nai ate


jafa ki aag tham jaye, fakhar tute kabhi mohsin
chale ana mere ho kar, main maazi phir bhula dun ga


mohsin tamash been hain ye sare ghamgusar
kijiye na apne gham ki wazahat kisi se bhi


barha rahi hai mere dukh nashaniyan teri
main tere khat teri tasvir bhi jala dun ga


kon kehta hai nafraton main dard hai mohsin
kuch muhabbatein bhi bari aziyat naak hoti hain


jinhein dekhna bhi na chahe nazar
unhin se taluq barhana para


saans meri thi magar us se talb ki mohsin
jese kheraat sakhi se koi sail mange  


ik janun be meni ik yaqeen la hasil
kya mila hamein mohsin us ki arzo kar ke


dekhe jate na the anso mere jis se mohsin
aaj hanste hue dekha use aghyar ke beech


wo sehar toot gaya jis ke asre pe kabhi
ham asman ko bhi teri gali samjhte the


us ne ye soch kar hamein alvida keh diya mohsin
ye gharib log hain muhabat ke siwa kiya den ge


apna hi jism tesha e farhad laga
main ne chaha tha pharon ki sada


bichar ke tujh se kisi tor dil behal na saka
nashaniyan bhi teri mere pass kitni thin


fasl e khizan bhi ab
ki bari zi waqar thi


sab jurm meri zaat se mansoob hain mohsin
kya tere siwa sheher main masoom hain saare


isi khyal main guzri hai shaam e dard aksar
ke dard had se barhe ga to muskura dun ga


logon ne usey meri muhabat samjh liya 
mohsin wo mujh ko jaan se pyara tha aur bas


heraan hun ke muddat e qaleel me mohsin
wo shakhs meri soch se zyada badal gaya


khud ba khud chor gaye hain to chalo theek hua
itne ahbaab kahan ham se sambhale jaate
ham bhi ghalib ki tarah kucha e jana se mohsin
na nikalte to to kisi roz nikale jate



ye jo ik zid hai ke mohsin main shikayat na karun
warna tum se to wo shikwe hain
mere yar ke bar 


ik tera hijar aur sahib e aulad bhi ho
kuch to ho jaye burhape ka sahara murshid


ab to ankhon main faqt dhool hai kuch yaadon ki
ham usey yaad bhi aye hain to kab yaad aye 


itni muddat bad mile ho
kin sochon me gum phirte ho


fursat mile to apni samat pe ghor kar
mere ghamon ki lea bhi tere qehqahon main he


chal para hun main zamane ke asoolon pe mohsin
main ab apni hi baatom se mukar jata hun


ab ye socha hai apni zaat main rahen ge mohsin
boht dekh liya logon se shanasai kar ke


zulmat shab se shikayat unhein kesi mohsin
wo to sooraj ko the aina dikhane wale


wo mutmain the bohat qatal kar ke mohsin ka
magar ye zikar e wafa suba sham kis ka hai


har waqat ka hansna tujhe barbad na kar de
tanhai ke lamhon main kabhi ro bhi liya kar


ab us ko kho raha hun bare ishtiyaq se
wo jis ko dhundne main zamana laga mujhe


sheher ke log bhi mohsin yehi karte hain sawal
ab bohat kam nazar ate ho kahan hote ho


achi lagti nahi is darja shanasai bhi
hath haton se milate hue thak jata hun


tujhe udaas bhi karna tha, khud bhi rona tha
ye hadisa bhi meri jaan, kabhi to hona tha

Post a Comment

0 Comments